852 29775128

法國 24 小時滾軸溜冰耐力賽 (2023-接力賽)

5年前參加過24小時「個人賽」後我說過我應該唔會有第二次參加,想不到5年後同第二班人返到呢一條倍我24小時的賽道,更成為我滾了27年我心目中最精彩的一場比賽!

玩得24小時耐力賽就係要玩變數同耐力!我同小白呢個組合唔可以叫強,一個老人加一個剛DSe 冇練成年的一個人,不過呢兩條友都係 痴線 ge 🤣
的確,我係一心衝擊獎牌,所以小白要 DSE 冇得練我自己都準備咗成年,呢 24小時真心好長….
首先當日排名賽我衝到第三位起步已經有驚喜,所以我對獎牌的信心的確比黎之前仲大咗!
一開頭我地守住第二位,一路計數一路唸點可以追上第一,一路追一路跑,點知過一陣我地已經跌速,俾第三追咗上黎。
我地去到大約 7hr 仲比第四位越追越近,就快被踢出頭三。不過過了入夜冇太陽之後我就上返D電,改咗陣法,改咗裝備,慢慢追之下追返上第二!
不過之後就出事了,我隊友休息完出場後,出現低溫症, 頭暈同埋唔可以繼續比賽,我就立即出去接佢之後交佢比其他人照顧,希望可以快D「 復活」。
但因為我係唔會知佢幾時 ready 可以出返黎,我只可以越跑越慢 盡量保持體力, 希望可以頂耐啲。數數下我隊友敗陣時仲有最後 8hr, 我地同第三名同 lap, 同第四只有 7 laps 優勢,我計來計去就算我頂得到尾,都唔會可以保得住個名次…
點知一場大雨突然之間救返我地,呢一場大雨令所有人都快唔到,有氣有力都跑唔快,所以就算得我一個,對手都唔追得幾多…
頂多一陣之後收到好消息,我隊友醒咗同有返比較正常體溫,佢已經換鞋準備復活。
下一個 lap 去到接力區交俾佢之後,我都總叫做頂得住唔俾人 DQ…計計下我係大雨同濕地中頂咗成 4個鐘左右..
返到休息區, 立即開電腦睇睇名次,我本身唸住我已經落到第四,而要唸計點追上去, 點知就因為之前所講呢場大雨,佢地 竟然追唔到上嚟,我原來成功頂得住個第二位過我隊友復活。
不過我地同第三係好近好近, 隨時畀佢追返上嚟,而我隊友 雖然叫做可以再落返場比賽,但係狀態一定差,我唔可以俾佢再出事,所以我地又轉陣,我跑多佢跑少….
我計過數好大機會結束前兩小時會俾第三名的追過,我之前頂返黎D野就冇曬….但係我跑少又拉唔遠,我跑多又已經冇力,隊友又就再爆唔到……
但係突然之間出現曙光,同場其實我地仲有一隊5人隊、一隊少年男子同少年女子一同比黎賽, 竟然喺我最無助嗰時,小白同五人隊同女子隊一同到達接力區。心唸呢次仲有得救,所以我決定博一博,最後大約兩小時俾第三追緊上黎果隊一個致命一擊,我地三隊一齊走,有兩個人幫我地開路破風,我爆三lap 小白只去 1 lap 當俾我回氣, 重重覆覆做咗三 round 去到好盡我都準備抽筋,成功拉開個距離…..結果守得住個第二返黎。
嚟之前真係諗住沖擊獎牌先黎,而經過高高低低感覺好唔同,知道隊友有可能有機會落唔返場果一刻真係唸過放棄,但又知佢如果叉到電的話又一定會落返場,結果俾一場大雨打消呢個念頭,繼續頂!
所以今次真係可以話「一日未到終點、比賽都未完」,呢個亞軍應該係我所有獎牌中地位最高的一個,而得到 ge 過情亦係最精彩!
無論係休息區幫手D人、定係最後帶住我地走果D人,是但少一個就應該保唔過呢個亞軍….
所以講到尾都係一句,唔好放棄!

Youtube Talk Show: